Glotizita konsonanto

Glotizita konsonanto (aŭ ploziv-glota konsonanto aŭ glotaligita konsonanto) estas konsonanto produktata kun grava partopreno (moviĝo, fermiĝo) de gloto.

Glotaligita konsonanto povas esti ejektiva (elĵeta, ĉe la movo de la gloto supren) kaj injektiva (enspira, ĉe la movo de la gloto malsupren). La ejektivoj estas preskaŭ ĉiam senvoĉaj plozivoj aŭ afrikatoj, la injektivoj estas preskaŭ ĉiam voĉaj plozivoj.

IFA markas glotaligitecon per apostrofo: [k’], [p’] kaj tiel plu.